Bepi Poenta dal Dotor
.
La scena si svolge nell'ambulatorio del medico del paese e Bepi, un contadinotto dalla parlata un po' lenta, timido e vergognoso, col cappello in mano che gira nervosamente fra le dita, ha qualche disturbo:
(bussano alla porta) Toc.. toc ..
« B’on_dì dotor… poso ?»- Dai Bepi… v’en rento ! cossa ti gà anquò ? -« Ma no so, hà gò chi… chì, n’tel stomego 'na roba! ch’è no a se moe, noa va su e noa va zò!»- Và ben..va ben, dai… ven chì e cavete_zò jacheta e camisa che te vardo.
Dai Bepi dai moete, coleghete sul letin ! Dai… sbosega, supia fora pian… pianin, fame vedar a lengua… fa haaaaaa!
Ostia Bepi ti gà en fià peso d’un mascio! Ti gavaria mia magnà boase a zena jer sera ? -
« No, no, dotor a gò magna poenta. La Pina tuti i vespri, me mete su le bronse do tre fete de poenta co’l formaio par zena, el sà dotor, c’ò quel grostolin che sa de brustola… a fago anca el bis c’òn’ drio n’goto »(abbassando la testa e gli occhi per terra)« Si, si.. ameto... anca du o tri busoloti... el gà rajon… forse quatro, magari sinque… ma nò de pì juro.»
- Dai Bepi, ostion, sbosega naltra olta, ri_versi a boca e fame vedar a lengua...
Marria vergine, signor Bepi… te sechì n’à mosca an’metro cò’ stò fià!
Scolta Bepi ma... dormito la note? -« Si sior dotor, dormiria anca mejo se n’ò fusse par ch’el che gò chì n’tel stomeg.»- Scolta Bepi, a che ora te desmesi ? -« Sempre ale sie, sior dotor, tute e matine c’ò canta l’galo. Par prima roba doparo a muger, par seconda me levo, me lavo, me raso me...»- Bastaaa Bepi!! daghe’n tajo, a vogio saver cosa ti senti la matina ? -« Sento gnente dotor, xe silensio, la matina sto ben… un poco vudo forse ...»- Si si Bepi e dopo? -« aaah… dopo… dopo fago coasion e vo n’tei campi...»- Dime… e… a… coasion ? -« Late’pena monto, cò do fete de poenta e zucaro, pò coro n’tei campi a voltar el fen, ma prima do da magnar al mascio, ae galine e ai piti.»- Bepi nò’ farme infufar, ghe xe anca altra zente... ostion ! Dai bepi a mesdì cossa ti magna ? -« Eeeeeh…. a mesdì cò’ torno a casa, la me femena la sta zà rimisiando n’tel parol la poentina che boie, supia, brontoa, ziala zialeta. Eeeeeh... po an boto preciso con’tel colpo seco la rebalta n’tel parol, beaaaa fimante, profumadaaaa sbarlozante molesina , oooh dotor, dopo’n pocheto c’òn colpo de fil me ne tajo un quarel…»- Ma... Bepi, ti, a poenta te a magni cussi… sensa gnente ?« Noooo… sior dotor, la magno cò l’udor de la renga o tocioada n’tel bacaa n’tei dì de festa.»- Va ben Bepi... dai vestete e và a remengo che no ti gà gnente -« Ma sior dotor el dolorin, alora sà’elò? »... esasperato, il dottore:- Bepi... mascio! Te sì san come’n pese... ti’à solo la digestion un po’ enta! -►◄
Nessun commento:
Posta un commento